Heb 12 | KhmKCB | STEP | ដូច្នេះ ដោយសារ មាន សាក្សី ច្រើនដូច ពពក នៅ ជុំវិញ យើង ទៅហើយចូរ យើង បោះបង់ បន្ទុក ទាំងឡាយ និង បាប ដែល ងាយនឹង រឹបរួត យើងនោះ ចោល ហើយត្រូវ រត់ ក្នុង ទីប្រណាំង ដែលបាន រៀប នៅចំពោះ មុខ យើង ដោយ សេចក្ដី អត់ធ្មត់

Hebrews 12

1 ដូច្នេះដោយសារមានសាក្សីច្រើនដូចពពកនៅជុំវិញយើងទៅហើយចូរយើងបោះបង់បន្ទុកទាំងឡាយនិងបាបដែលងាយនឹងរឹបរួតយើងនោះចោលហើយត្រូវរត់ក្នុងទីប្រណាំងដែលបានរៀបនៅចំពោះមុខយើងដោយសេចក្ដីអត់ធ្មត់ 2 ទាំងសម្លឹងមើលទៅឯព្រះយេស៊ូដែលជាអ្នកផ្ដើមនិងជាអ្នកបញ្ចប់ជំនឿរបស់យើង។ ដោយព្រោះតែអំណរដែលបានដាក់នៅចំពោះមុខព្រះអង្គព្រះអង្គបានស៊ូទ្រាំនៅលើឈើឆ្កាងដោយមិនខ្វល់នឹងសេចក្ដីអាម៉ាស់ហើយក៏បានគង់នៅខាងស្ដាំបល្ល័ង្ករបស់ព្រះជាម្ចាស់។ 3 ដូច្នេះចូរពិចារណាអំពីព្រះអង្គដែលបានស៊ូទ្រាំនឹងការប្រឆាំងរបស់មនុស្សបាបទាស់នឹងព្រះអង្គចុះដើម្បីកុំឲ្យអ្នករាល់គ្នានឿយណាយនិងបាក់ទឹកចិត្តឡើយ។ 4 អ្នករាល់គ្នាមិនទាន់តស៊ូក្នុងការតយុទ្ធនឹងបាបរហូតដល់បង្ហូរឈាមនៅឡើយទេ 5 ប៉ុន្ដែអ្នករាល់គ្នាភ្លេចការលើកទឹកចិត្ដដែលព្រះអង្គបានមានបន្ទូលមកអ្នករាល់គ្នាទុកដូចជាកូនថា៖ «កូនអើយ! កុំមើលងាយការវាយប្រដៅរបស់ព្រះអម្ចាស់ឡើយហើយកុំបាក់ទឹកចិត្ដនៅពេលដែលព្រះអង្គកែតម្រង់ដែរ 6 ដ្បិតព្រះអម្ចាស់វាយប្រដៅអស់អ្នកដែលព្រះអង្គស្រលាញ់ហើយវាយកូនទាំងអស់ដែលព្រះអង្គទទួល»។ 7 ចូរអ្នករាល់គ្នាស៊ូទ្រាំនឹងការនោះទុកជាការវាយប្រដៅចុះព្រោះព្រះជាម្ចាស់ប្រព្រឹត្ដចំពោះអ្នករាល់គ្នាដូចជាកូនតើមានកូនឯណាដែលឪពុកមិនវាយប្រដៅនោះ? 8 ប៉ុន្តែបើអ្នករាល់គ្នាមិនបានទទួលការវាយប្រដៅដែលកូនគ្រប់ៗគ្នាត្រូវទទួលទេនោះអ្នករាល់គ្នាជាកូនក្លែងក្លាយមិនមែនជាកូនពិតប្រាកដទេ។ 9 ម្យ៉ាងទៀតយើងមានឪពុកខាងសាច់ឈាមដែលជាអ្នកវាយប្រដៅយើងហើយយើងនៅតែគោរពគាត់ទៀតផងដូច្នេះតើយើងមិនគួរចុះចូលនឹងឪពុកខាងវិញ្ញាណឲ្យកាន់តែខ្លាំងទៀតទេឬដើម្បីឲ្យយើងមានជីវិត? 10 ដ្បិតឪពុកខាងសាច់ឈាមវាយប្រដៅយើងតែមួយរយៈពេលខ្លីប៉ុណ្ណោះតាមដែលគាត់យល់ឃើញថាល្អរីឯឪពុកខាងវិញ្ញាណវិញព្រះអង្គវាយប្រដៅយើងសម្រាប់ជាប្រយោជន៍ដល់យើងគឺដើម្បីឲ្យយើងទទួលបានសេចក្ដីបរិសុទ្ធរបស់ព្រះអង្គ។ 11 ពេលមានការវាយប្រដៅពេលនោះមើលទៅដូចជាព្រួយណាស់មិនសប្បាយទេប៉ុន្ដែក្រោយមកទើបបង្កើតផលជាសេចក្ដីសុខសាន្តនិងសេចក្ដីសុចរិតដល់អស់អ្នកដែលបានទទួលការហ្វឹកហ្វឺនតាមរបៀបនោះ។ 12 ដូច្នេះចូរឲ្យដៃដែលរួយនិងជង្គង់ដែលខ្យោយនោះមានកម្លាំងឡើង 13 ហើយចូរតម្រង់ផ្លូវឲ្យត្រង់សម្រាប់ជើងរបស់អ្នករាល់គ្នាដើម្បីកុំឲ្យអ្នកដែលពិការជើងត្រូវបែរចេញឡើយប៉ុន្ដែឲ្យបានជាវិញ។ 14 ចូរដេញតាមសេចក្ដីសុខសាន្ដនិងសេចក្ដីបរិសុទ្ធជាមួយមនុស្សទាំងអស់ចុះដ្បិតបើគ្មានសេចក្ដីបរិសុទ្ធទេនោះគ្មានអ្នកណានឹងឃើញព្រះជាម្ចាស់ឡើយ។ 15 ចូរប្រយ័ត្នកុំឲ្យមានអ្នកណាម្នាក់មិនបានទទួលព្រះគុណរបស់ព្រះជាម្ចាស់ឡើយហើយកុំឲ្យឫសនៃភាពជូរចត់ពន្លកឡើងដែលនាំឲ្យមានចលាចលធ្វើឲ្យមនុស្សជាច្រើនមិនបរិសុទ្ធដោយសារសេចក្ដីទាំងនោះ 16 ចូរប្រយ័ត្នកុំឲ្យមានអ្នកប្រព្រឹត្ដអំពើអសីលធម៌ខាងផ្លូវភេទឬអ្នកមិនកោតខ្លាចព្រះជាម្ចាស់ដូចជាអេសាវដែលបានលក់សិទ្ធិកូនច្បងរបស់ខ្លួនដោយព្រោះអាហារមួយពេលនោះឡើយ 17 ដ្បិតអ្នករាល់គ្នាដឹងថាក្រោយមកនៅពេលគាត់ចង់បានពរទុកជាមរតកនោះគាត់ក៏ត្រូវបានបដិសេធវិញទោះបីគាត់ខំស្វែងរកទាំងស្រក់ទឹកភ្នែកក៏ដោយក៏រកឱកាសប្រែចិត្តមិនបានឡើយ។ 18 អ្នករាល់គ្នាមិនបានចូលមកឯភ្នំដែលអាចប៉ះបានមានភ្លើងឆេះមានពពកខ្មួលខ្មាញ់មានផ្សែងងងឹតមានខ្យល់ព្យុះ 19 មានស្នូរត្រែនិងសំឡេងព្រះបន្ទូលដែលពួកអ្នកឮបានអង្វរសុំកុំឲ្យព្រះអង្គមានបន្ទូលមកពួកគេទៀត 20 ដ្បិតពួកគេមិនអាចស៊ូទ្រាំនឹងសេចក្ដីដែលបានបង្គាប់មកថាសូម្បីតែសត្វដែលប៉ះពាល់ភ្នំក៏ត្រូវគប់នឹងដុំថ្មដែរ។ 21 ទិដ្ឋភាពនោះគួរឲ្យភ័យខ្លាចណាស់បានជាលោកម៉ូសេនិយាយថាខ្ញុំញ័ររន្ធត់ណាស់។ 22 តែអ្នករាល់គ្នាបានចូលមកឯភ្នំស៊ីយ៉ូនជាទីក្រុងរបស់ព្រះជាម្ចាស់ដ៏មានព្រះជន្មរស់ជាក្រុងយេរូសាឡិមនៅស្ថានសួគ៌ហើយមានទេវតាជាច្រើនអនេក 23 មានក្រុមជំនុំរបស់ពួកកូនច្បងដែលមានឈ្មោះកត់ទុកនៅស្ថានសួគ៌ជួបជុំគ្នាមានព្រះជាម្ចាស់ដែលជាចៅក្រមរបស់មនុស្សទាំងអស់មានវិញ្ញាណរបស់ពួកអ្នកសុចរិតដែលបានគ្រប់លក្ខណ៍ហើយ 24 មានព្រះយេស៊ូដែលជាអ្នកសម្រុះសម្រួលកិច្ចព្រមព្រៀងថ្មីហើយមានឈាមដែលបានប្រោះគឺជាឈាមដែលបានប្រកាសអំពីសេចក្ដីប្រសើរជាងឈាមរបស់លោកអេបិល។ 25 ចូរប្រយ័ត្នកុំឲ្យអ្នករាល់គ្នាបដិសេធមិនព្រមស្ដាប់តាមព្រះអង្គដែលមានបន្ទូលឡើយដ្បិតនៅពេលពួកអ្នកដែលបដិសេធមិនព្រមស្ដាប់តាមមនុស្សដែលផ្ដល់ពាក្យទូន្មានមកពីព្រះជាម្ចាស់នៅលើផែនដីនេះមិនអាចគេចផុតពីទោសយ៉ាងហ្នឹងទៅហើយនោះយើងដែលបែរចេញពីព្រះជាម្ចាស់ដែលមានបន្ទូលពីស្ថានសួគ៌រឹតតែមិនអាចគេចផុតបានទៅទៀត។ 26 សំឡេងរបស់ព្រះអង្គនៅពេលនោះបានធ្វើឲ្យផែនដីកក្រើកប៉ុន្ដែឥឡូវនេះព្រះអង្គបានសន្យាថា៖ «យើងនឹងធ្វើឲ្យកក្រើកម្ដងទៀតគឺមិនត្រឹមតែផែនដីប៉ុណ្ណោះទេផ្ទៃមេឃក៏កក្រើកដែរ»។ 27 ពាក្យថាម្ដងទៀតបានបញ្ជាក់ថាអ្វីៗដែលកក្រើកនឹងត្រូវរើចេញគឺជាអ្វីៗដែលត្រូវបានបង្កើតមកដើម្បីឲ្យអ្វីៗដែលមិនកក្រើកនឹងនៅស្ថិតស្ថេរ។ 28 ដូច្នេះដោយព្រោះយើងបានទទួលនគរមួយដែលមិនកក្រើកនោះយើងត្រូវដឹងគុណទាំងបម្រើព្រះជាម្ចាស់ឲ្យសព្វព្រះហឫទ័យព្រះអង្គដោយចិត្ដគោរពកោតខ្លាច 29 ដ្បិតព្រះជាម្ចាស់របស់យើងជាភ្លើងដែលឆេះបំផ្លាញ។